好多人睇完或甚至未(肯)進場睇未來戰士4 (即Terminator Salvation)，都會唔知套戲講乜或頭都大埋，其實若果你們不是粉絲，或根本對T1, T2毫無印像，根本不會投入亦毋須進場。
我對Terminator系列有情意結，所以一定捧場。一如所料，我事先調低了期望，因為既然不再是占士金馬倫 (James Cameron) 監製，既然不再是由Anold (阿諾舒華辛力加) 主演的未來戰士系列，你毋須期望套戲會與以往那種感覺一脈相承!
無論如何，因為我明、亦因為我有情意結，因此完全投入。好多人包括我妹妹在內都不明白為何John Connor (今集由蝙蝠俠Christian Bale飾演, 好適合的人選) 成套戲都要救一名叫Kyle Reese嘅廿二歲死靚仔，原因好簡單，因為Kyle Reese其實就是 John Connor 個爸爸。如果你記得第一集嘅大網，你就會知道，其實Kyle將會身負重任 (當年由廿七歲嘅Michael Biehn 米高貝肯飾演，靚仔好多, 型好多!) ，要同Skynet嘅T800鬥快返番去1984年，捨身保護尊康納母親莎拉康納 (Sarah Connor, 由Linda Hamilton飾演, T1及T2女主角; T3 榮休, 今集聲演而已) 免受T800 (= 阿諾飾演) 殺害。
當然，論經典、論震撼，永遠都非第一集 (1984年) 莫屬。第一集仲有一個利害之處，就係佢有一條令人好感動的愛情線。John Connor在2018年已經知道，Kyle 必須要回到過去才能拯救佢媽媽，甚至要令她懷孕，他才能『出生』，這看似機械式、看似毫無人性的安排，其實便是命運中的浪漫，更大程度是一種緣份。被派遺回到過去的Kyle，當然不知道自己會『愛上』莎拉 (我諗佢絕對也沒有非份之想，充其量只會傾慕，因為她係波士嘅母親，又點會. . .？)，甚至與她發生一夜情，但呢段一夜情令人相當繾綣，這只有一天一夜寿命的愛情，比人世間許許多多凡夫俗子所謂的愛情更要蕩氣迴腸，T1表面上是動作、科幻片，卻教觀眾永遠難忘Kyle捨身成仁的深情，他被尊康納派遣回去時完全不知道自己就係波士的父親，更遑論佢會知道自己的命運注定要愛上教世主之母。
講番特技，當然以T4最震撼，其中以CG技術把阿諾 (1984年面貌) 的臉孔再套落T800型號狂打男主角及KYLE最教我驚喜。而馬克斯的出現，亦教人感到新鮮並感覺自然，因為他在第一集, 二集, 三集全無出場或被提及過，是T4新加插的角色，仍能令觀眾不覺得他的加入好突兀，而且由森禾霍頓主演亦非常搶鏡，甚至有過份搶鏡之嫌。最後佢同樣捨棄生命，把僅存的心臟送給尊康納，雖然感人力量遠遠不及KYLE之於SARAH的愛情，亦令觀眾敬佩他 (按︰換心呢一段好多人彈，話無醫學常識，well，睇戲不要駁戲啦！哈！)。
看完T4了，一如期待的完全滿足官能刺激，但論震撼性，就始終同T2甚至T1有『距離』。新片裡的SKYNET T800 殺人機器，感覺雖令人不寒而悚，但略嫌同人類的打鬥不夠激，激鬥的感覺反不及前幾集。就以 “最落後”的T1 來比較，尾場莎拉康納在愛人KYLE死後便要以一介女兒身死命單打獨鬥阿諾還原型的T800，就比之後的幾集 (包括本集) 更要刺激幾百倍！也許這就是電腦特技也沒法還原的原創性和新鮮感了。
我自己看了無數次的T1、T2及T3 (T3兩次而已)，永遠都好滿足及好回味。相信好多人都同我感受一樣，對KYLE REESE在第一集裡捨身救愛的情操及慘遭殺害的下場感到萬分感慨。由Michael Biehn飾演的KYLE是最經典及最酷的。佢同SARAH發乎情的做愛及激烈擁吻的浪漫場面，對照番佢之後的下場就會令你更加傷感。這種種微妙及動人的情節，不是最新一集的T4裡所能做到的。
如果大家要重溫一下才能進場觀看，請留意如下資料 >>
1. T800是最『舊』型號的殺人機器，其在T2 亦出現過，並且同是主角，全部由當時風華正茂的大隻佬阿諾舒華辛力加 (Arnold Schwarzenegger)飾演，帶有捷克口音的一句 "I will be back" 成為經典對白。
2. Fans們還記得T2嗎？這集也是本人的飛佛，算是很不錯的續集。少年JOHN CONNOR由當年未沉淪毒海的Edward Furlon主演，其俊朗樣貌與Christian Bale 算叫作一脈相承啦。而那集的T800變成好(機械)人，當然仍由阿諾主演，因此佢出現於療養院想拯救莎拉時，莎拉驚到腳仔軟立即掉頭想走個種效果其實反而幾好笑的。
在T2中，最搶鏡當然系T1000新型號殺人機器，由當年非常後生非常冷俊的Robert Patrick主演。佢系水銀液體機械人(liquid metal )，遇『水』越強，佢一出現就係殺殺殺，佢懾人的眼神、兇殘無比的作風及性能不斷強化就比今集所有Machines加起來都要恐怖!!
而T1000在本集亦有被提及到，就係接近尾場那部分，當JOHN CONNOR搵到KYLE之後，他要同T800 (阿諾) 單打獨鬥，當時亦出現了T1000原型，JOHN懂得用液化氮來對抗它，使其變碎，可惜當液化氮揮發後，T1000恢復番意識並差點殺了他，糾纏時它抓傷了JOHN的額頭和臉，這個細微位不知大家有沒有留意，那便是當年T2 那一集 (1991) 裡，在『未來』的片段時，為什麼大家見到變中年的JOHN會破了相. . ..
3. 其實在T2裡，SARAH仍被困在療養院時曾有一幕講述她發了幾個夢，其中一個便是她夢見最愛的KYLE (KYLE勸她要堅強下去)。但這一幕被刪去了。想睇番片段，可留意以下網址 -
http://www.youtube.com/watch?v=OlLCqVKwWJk&feature=related
http://www.youtube.com/watch?v=c4Jo8QoOTQ4&NR=1
http://www.youtube.com/watch?v=O2yG5fH8J6g&feature=related
6. JOHN CONNOR其實預知自己幾時死，我沒記錯的話應是204X年。這裡亦是本人諗十年都想不通的邏輯︰假設他的母親不用在1984年臨懷有他時“再死”，但明知自己將在30年後死亡 (由T800殺死)，咁仲需要擔心啲乜？以及，如果T800在1984年都系將SARAH殺死，咁壯年及已經『存在』了的尊康納又會點收科？迅即幻滅？
Terminator Salvation小資料 >>
1. 美國在5月21日開畫，比香港早一周，截至昨天票房，本土票房為美元$74,516,559，原本是開畫冠軍，但威左三幾日已被新上畫嘅翻生侏羅館2搶去冠軍位置。
http://www.boxofficemojo.com/movies/?id=terminatorsalvation.htm
2. 香港票房今天(周六)單日票房為港紙2,154,849元，累積票房應衝破六百多萬！
3. 美版海報>>
http://www.youtube.com/watch?v=c4Jo8QoOTQ4&NR=1
http://www.youtube.com/watch?v=O2yG5fH8J6g&feature=related
(Terminator 1 trailer)
http://www.imdb.com/name/nm0000299/
沒有留言:
張貼留言